يا اول سنين الغلا يا اقصى طموحاتي
يا اجمل غرام نشأ يا روعة سنـــــيني
يا تاج روحي ووجدي يا محطــــــــاتي
يا جارح بسيف عشقك يا مــــــداويني
يا ساكن الدم يا دمي ونبضـــــــــــاتي
يا روح روح القصــــــايد في دواويني
يا درب نور البشاير في متــــــــاهاتي
يا اوفى حبـيب عرفته ما يخلــــــــيني
يا شمس عمري وبلسم اهـــــــــــاتي
يا ألي ولا فيه غيرك في عنـــــاويني
بيني وبينك تطمن والعمـــــــــــــر آتي
والله ما اقطع وصـــــــــال بينك وبيني
حبـــــــي لك اكبر من ألي في كتاباتي
ولا اظن يكفــــــي لو انك قلت يكفيني
بالعين اشوفـــــــك توجه كل نظراتي
واقول ملكك تدلل يا بعد عـــــــــــيني
القاك من وين ماامشـــي باتجاهاتي
واثرك في كل اتجاهاتي تمشــــــيني
اوقــات عمري بدونك ماهي اوقاتي
سبحـــــان منهو جمع مابينك وبيني
للعمــــر لذه وقربك فيه لــــــــــذاتي
انساك لحظه واذكـــــــرك في حيني
حابسك في خافقي حبس دمعـــــاتي
لاصرت ضايق اخاف الدمع ينهيني
إشعل ضلوعي فرح لاشفت ضيقاتي
خل الفــــــــرح في شتا همي يدفيني
يا صعبها لو تغيب وبعدك آحـــــاتي
بكون عـــــايش ولا ادري انا ويني
انسان ضايع والملم باقي شتـــاتي
اشكيك للوقت والاوقات تشكــــيني
ابختصرها ولو طـــــالت بك ابياتي
انك تساوي غـــــلا ربعي وغاليني
لاني قبل مااعـرفك وابدا علاقاتي
احـــــس اني اعرفك ومني وفيني
&&&&&&&&&
وسلااااااااااااامتكم
م ن ق و ل
موضوع: يا اول سنين الغلا 
الخميس فبراير 07, 2008 4:15 pm
